ҰАО зертханаларын аккредиттеу департаментінің бағалаушысы Эльвира Райымбекова өзінің біліктілігін арттырып, "медициналық зертханаларды аккредиттеу"бағыты бойынша сарапшы-аудитор ретінде аттестатталды.
Осылайша, ISO/IEC 15189 стандарты бойынша ҰАО бағалаушыларының саны жеті адамға дейін өсті.
Эльвира Райымбекова - аккредиттеу саласын жақсы білетін ҰАО жоғары білікті мамандарының бірі. Ол ҰАО-да шамамен 10 жыл жұмыс істейді және жақында АРАС - аккредиттеу бойынша Азия–Тынық мұхиты ынтымақтастығын бағалау барысында компанияның атынан қатысып, өз жұмысын жоғары кәсіби деңгейде орындады.
Медициналық зертханаларды аккредиттеу бойынша сарапшы-аудитор ретінде аттестаттаудан бұрын Эльвира сынақ зертханалары мен инспекциялық органдар бойынша бағалаушы болды. Сондай-ақ, ол ҚР СТ ISO 15189-2015, аккредиттеу саласындағы салалық құжаттарды әзірлеуші болды, аккредиттеу бойынша шетелдік мамандарда тағылымдамадан өтті, бағалаушының дағдыларын жетілдіру мақсатында бақылаушы ретінде бағалауға қатысты.
