ОКҚ брифингісінде Ұлттық аккредиттеу орталығы бас директорының орынбасары Әбсамат Әкімов Орталықтың аккредиттелген сертификаттау органдары сәйкестік деңгейін бағалайтын Халал бағытын ислам қағидаттарын, стандарттар мен талаптарды - өндіріс пен жеткізуден бастап тұтынуға дейінгі барлық кезеңдерде сақтауға негізделген кешенді құрылымы туралы айтып берді.
Бүгінгі таңда Қазақстанда Халал өнімдері мен қызметтерін сертификаттау бойынша аккредиттелген орган жоқ. Халал сертификаттарды ұлттық аккредиттеу жүйесі не басқа да мемлекеттік органдар деңгейінде бағаланбаған бірқатар ұйымдар береді. Бұған себеп Халал сертификаттау органдарын міндетті аккредиттеуге қойылатын заңнамалық талаптардың жоқтығы.
Алайда, талаптардың жоқтығы бұл қызметті жауапкершіліксіз жүзеге асыруға әкелмеуі тиіс. Сондықтан қазір ҚР Халал саласындағы реттеуді жетілдіру бойынша нормативтік-құқықтық актілерге өзгерістер мен толықтырулар енгізу бойынша ұсыныстар әзірленуде.
Сонымен қатар, ҰАО алғашқы өтінімді қабылдап, халалға сәйкестікті растау бойынша аккредитация алғысы келген өтініш берушіні бағалау басталды, бұл Қазақстанда адал, ашық жұмыс істегісі келетін және өз қызметінің нәтижесі үшін толық жауап бергісі келетін ұйымдар бар екенін көрсетеді.
Халал саласы жетік реттелетін мемлекеттерде сертификаттау жөніндегі органдарды аккредиттеу норма болып табылады. Әлемдік нарықтың ашықтығы және азық-түлік және химия өнеркәсібіндегі консервациялау технологияларының дамуы белгілі бір кезеңде Халал өнімдерінің сапа тізбегін қадағалау мүмкіндігін төмендетті, бұл таңбаланған Халал өнімдерінде шошқа етінен, өлі денеден, жануарлардың қанынан, сондай-ақ ГМО, канцерогенді заттар мен алкогольден, консерванттардан, тағамдық қоспалардан алынған мұсылмандарға тыйым салынған ингредиенттердің табылуына, Халал емес ферменттер мен микроорганизмдердің анықталуына әкелді.
Мұсылман әлемі қарапайым тұтынушыға өнімнің немесе қызметтің Халал мәртебесіне сенімді болуға мүмкіндік беретін Аккредиттелген Халал сертификаттау саласын дамыту мәселесіне жауап берді. Қазіргі уақытта біздің еліміз де осы кезеңнен өтіп жатыр.
Қазақстан Ислам Ынтымақтастығы Ұйымының толыққанды мүшесі ретінде ҚР Үкіметі айқындаған жалғыз ұлттық аккредиттеу органы ретінде мұсылмандарды және Халал өніміне сенетіндердің барлығын ислам қағидаттарын еріксіз бұзудан қорғау үшін біздің елімізде аккредиттелген Халал сертификаттауды ілгерілету бойынша ҚР СИМ ТРМК, ҰАО белсенді жұмыс істеуде.
Анықтама: ҰАО шетелдік лекторларды тарта отырып және 150-ге жуық тыңдаушыны қамти отырып, Халал талаптары бойынша 4 семинар өткізді; еліміздің 6 ауыл шаруашылығы жоғары оқу орындарының студенттері мен оқытушылары және Халал тамақ өнімдерін өндірушілер үшін Халал стандарттары бойынша семинарлар өткізілді; ҰАО қызметкерлері Халал мәселелері бойынша семинарлар мен тағылымдамаларда өз құзыреттерін арттырады, соның нәтижесінде ҰАО штатында Халалды аккредиттеу бойынша 2 аттестатталған сарапшы-аудитор бар, олар ислам мәселелері бойынша техникалық сарапшылармен ынтымақтасады. ТРМК және Қазстандартпен бірлесіп ҰАО OIC/SMIIC және GSO. UAE халықаралық стандарттарына негізделген Халал бойынша ұлттық стандарттарды қабылдау мен пайдалануды ілгерілетеді, өйткені үйлестірілген стандарттарды пайдалану әлемнің көптеген елдерінде Қазақстан Республикасының Халал Аккредиттеу және сертификаттау жүйесін тануды жеңілдетеді.
