Нұр-Сұлтан қаласында "Медициналық зертханаларды лицензиялау және референс зертханаларды тағайындау" тақырыбында семинар өтті.

Нұр-Сұлтан қаласында Дүниежүзілік денсаулық сақтау ұйымының (бұдан әрі – ДДҰ) елдік офисінің ұйымдастыруымен "Медициналық зертханаларды лицензиялау және референс зертханаларды тағайындау" тақырыбында семинар өтті.
ДДҰ (World Health Organization, WHO) – 194 мүше мемлекеттен тұратын Біріккен Ұлттар Ұйымының мамандандырылған мекемесі (Біріккен Ұлттар Ұйымымен ынтымақтастық туралы арнайы келісіммен байланысты дербес халықаралық ұйымдар), оның негізгі міндеті Жер бетіндегі халықтың денсаулық сақтау проблемаларын шешу болып табылады.
"Жақсы зертханалар – мықты денсаулық" бастамасын (Better Labs for Better Health, Better Labs) 2012 жылы ДДҰ-ның Еуропалық өңірлік бюросы іске қосқан, ол зертханалық сектор халықаралық клиникалық-санитариялық ережелерді орындау үшін елдердің дамытуы тиіс негізгі әлеуеттердің бірі болып табылатындығын көрсетеді. Қазақстан Better Labs бастамасына 2019 жылдың басында қосылды. 
Семинар презентациялық материалдар баяндамалары және оларды талқылау түрінде өтті:
ДДҰ және ҚР ДСМ өкілдері семинарды салтанатты түрде ашты. Семинардың мақсаттары ұсынылды. Семинар қатысушыларымен таныстыру болды.
ҰАО атынан Зертханаларды аккредиттеу департаментінің бас маманы Амил Фазил-Огли Сулейманов және Әдіснама және нормалау департаментінің бас маманы Анар Бериковна Исакова қатысты.
ҰАО өкілдері Аккредиттеу жөніндегі органның және Мониторинг органының қызметімен таныстырды (аккредиттеу ұғымы, аккредиттеудің негізгі мақсаттары, аккредиттеу қағидаттары, мониторинг функциялары, ҰАО тарихы, Халықаралық ұйымдарға қатысу, аккредиттеу процесі, ҚР СТ ISO 15189 медициналық зертханаларды аккредиттеудің ұлттық стандарты, аккредиттеу схемаларының ұғымдары, аккредиттеу саласындағы жұмыстардың ағымдағы жай-күйі, аккредиттеудің жаңа схемаларын дамыту, жұмыс жоспары және т.б.).
Сондай-ақ, Қазақстан Республикасының қоғамдық денсаулық сақтау зертханаларының жүйелері, Қазақстан Республикасындағы клиникалық зертханалардың жүйелері және оларды референс-зертханалар ретінде тағайындау тәсілі, ұлттық референс-зертханаларды тағайындау және бағалау, зертханалардың сапасы мен жарақтандырылуын жақсарту мәселелері таныстырылды және талқыланды.
Сапа мен қауіпсіздіктің халықаралық қағидаттарына сәйкес жақсы жұмыс істейтін, тұрақты зертханалық қызметтер мықты денсаулық сақтау жүйесінің ажырамас бөлігі болып табылады және халықтың денсаулығын жақсарту үшін маңызды мәнге ие. Қоғамдық денсаулық сақтау саласындағы оқиғалардың алдын алу және бақылау үшін қажет болып табылатын, аурулардың таралуын сәтті анықтау, сипаттау және бақылау тиімді зертханалық жүйелерді қажет етеді. Елдердің мүдделеріне реттеу механизміне инвестициялау кіреді, ол зертханаларға сапа менеджменті қағидаттарын ұстануға, ұлттық референс-зертханалардың тиісті тағайындалуын және бағалануын қамтамасыз етуге, сондай-ақ білім алмасу үшін ғана емес, сондай-ақ инфекциялық аурулардың таралуына үйлестірілген жауап шараларын қамтамасыз ету үшін сыртқы бағалауға қатысуға мүмкіндік береді.