ҰАО өкілдері әлемнің түрлі мемлекеттерінен 162 қатысушының қатысуымен «Сәйкестікті бағалаудағы цифрландыру: қазіргі жағдай, проблемалар және болашаққа ықпал ету" тақырыбында ISO халықаралық семинарына қатысты.
Соңғы жылдары цифрлық құралдар бағалауды жүргізу тәсілдерін өзгертті, әдетте адамдардың қатысуын және тексеруді сол жерде жүргізуді көздейтін дәстүрлі әдістерден алшақтады.
Парсы шығанағы ынтымақтастық кеңесінің аккредиттеу орталығының аккредиттеу қызметтерінің директоры Брахим Хоуланың айтуынша цифрлық трансформация сапа инфрақұрылымын айтарлықтай өзгерте алады.
Сонымен, бірінші кезеңде маманның жеке қатысуын смарт көзілдірік алмастырады, қашықтан қатысуды, тауарларды жеткізетін дрондарды, спутниктік навигацияны алмастыра алады. Келесі кезең аналитикалық емес болжау әдістері, блокчейн, Big Data өңдеу құралдары болуы мүмкін, содан кейін жасанды интеллект, ұйымның цифрлық егізі, виртуалды шындық.
Metricode компаниясының негізін қалаушысы, президенті және abcbilance калибрлеу зертханасының жетекшісі Дамиано Пиетри (Damiano Pietri) "Цифрландыру арқылы интеллектуалды калибрлеу" презентациясын ұсынды. Спикер терең цифрландыру мақсатында оның компаниясына әзірленген «GestABC» бизнес-процестерді автоматтандыру жүйесін көрсетті.
- Компания бұл бағыттағы жолды 2014 жылы барлық құжаттарды цифрландырудан бастады, - деді ол. - Нәтижесінде ұйымда қағазды пайдаланудың айтарлықтай қысқаруы орын алды, құжаттарды цифрлық іздеу жүйесі, жұмыспен қамтудың қашықтықтан нысандары, құжаттарды цифрлық бекіту, құжаттарды клиенттерге цифрлық беру және т.б. енгізілді. 2003 жылға қарай GestABC бағдарламалық жасақтамасы өндірісті, қойманы, сатып алуды, сапа жүйесін, өлшеу құралдарын мерзімді тексеруді, өнімнің қозғалысын бақылауды және басқа да бизнес-процестерді басқарады және 4 сертификаттау схемасын біріктіреді: ISO 9001, ISO 14001, ISO 45001, ISO 17025.
BV M&O компаниясының цифрландыру және трансформациялау жөніндегі директоры Тихомир Кезич (Tihomir Kezic) "Теңіз өнеркәсібінде цифрлық егіз технологияны пайдалану" тақырыбында сөз сөйлеп, цифрлық диагностикалық аспаптар тәулік бойы, 24/7, сынақтар мен сертификаттау, қызмет көрсету және валидация үшін жергілікті жерде немесе қашықтықтан мониторинг пен инспекция жүргізуге мүмкіндік беретінін атап өтті.
ISO алаңындағы семинар қазіргі әлемде үлгілі адам қызметін ілгерілету мен жетілдіруде цифрлық технологиялардың шексіз мүмкіндіктерін көрсетті.
