ҰАО бас директоры Талғат Момышев, оның орынбасарлары, аккредиттеу жөніндегі органның басқа да өкілдері баяндама жасады.
Кеңесте сөз сөйлеген Арман Шакқалиев аккредиттеудің басымдығын «Сапа инфрақұрылымының шыңдары" деп белгілеп, халықаралық аренада, ТМД кеңістігінде Қазақстанның Ұлттық аккредиттеу жүйесінің жетекші орнын баса айтты.
Талғат Момышев өз баяндамасында орталықтың аккредиттеу жөніндегі Азия-Тынық мұхиты ынтымақтастығы (АРАС) жақында бағалау барысында ұйымның құзыреттілік деңгейін растағанын атап өтті.
ҰАО-ның орынбасарларының ақпараты бойынша, орталық сыбайлас жемқорлыққа қарсы стандарт бойынша сертификаттау органдарын, фермерлік жылыжайларды, Халал өнімдерін және басқаларын бағалау сияқты қызметтің жаңа бағыттарын игеруде, бизнес-процестердің реинжинирингін жүргізіп, субъектілер тарапынан құжаттар санын 20-дан 14-ке дейін қысқартты.
Газ баллонды жабдықтардың, әскери оқ-дәрілердің және т.б. сапасын бағалау сияқты салаларда жаңа субъектілерді аккредиттеу жүргізілуде.
Техникалық реттеу және метрология комитетінің төрағасы Қуаныш Елікбаев, атап айтқандай, аккредиттеу рәсімдерінің объективтілігі мен бейтараптығы тұрғысынан күмән тудыратын нақты фактілер бойынша комитет бастамасымен бірқатар қызметтік тергеулер басталды.
Кеңес қорытындысы бойынша Арман Шакқалиев бірқатар тапсырмалар берді, атап айтқанда:
- стратегиялық сипаттағы құжаттарда, оның ішінде зертханалық базаны жаңғырту индикаторлары бөлігінде белгіленген көрсеткіштерді бұлжытпай орындау;
- сыбайлас жемқорлық құқық бұзушылықтарға қарсы іс-қимыл бойынша қосымша шаралар қабылдау;
- кәсіби, бейтараптық және ашықтық қағидаттарын ескере бағалаушылар мен техникалық сарапшыларды іріктеу алгоритмін қайта қарау;
- көлік құралдарының сәйкестігін бағалауға сынақ зертханаларын аккредиттеуге талдау жүргізу, аккредиттеу рәсімдерін бұзудың себептері мен жауаптыларды анықтау, түзету іс-қимылдарын қабылдау;
- кәсіпорынның қаржылық жағдайын оңтайландыру бойынша шаралар қабылдау;
- аккредиттеу және тану бөлігінде қазақстандық тауарларды экспортқа шығаруға бағытталған ынтымақтастықтың жаңа тетіктерін дамыту.
