«Сәйкестікті бағалау саласындағы аккредиттеу туралы» 2008 жылғы 5 шілдедегі Қазақстан Республикасының Заңының 21-бабының 2-1 тармағының және 20.02.2015 жылы «Ұлттық аккредиттеу орталығы» ЖШС бас директорымен бекітілген РИ 03-07.29 «МЖ. Аккредиттеу процесі. Аккредиттеу материалдарын қарастыру тәртібі, шешім қабылдау және аккредиттеу аттестатын беру» 8-тармағына сәйкес, БҰЙЫРАМЫН:
1. Келесі аккредиттеу субъектілерінің аккредиттеу аттестатының қолданылу мерзімі 2018 жылғы 5 қыркүйектен 2018 жылғы 5 желтоқсанға дейін ұзартылсын:
«Ұлттық сараптау және сертификаттау орталығы» АҚ Қарағанды филиалының салыстырып тексеру зертханасы (2013 жылғы 5 қыркүйектегі № KZ.П.10.0189 аккредиттеу аттестаты);
«Центр сертификации «InterCert» ЖШС менеджмент жүйесінің сәйкестігін растау жөніндегі органы (2013 жылғы 5 қыркүйектегі № KZ.Q.02.0207 аккредиттеу аттестаты).
2. «Ұлттық аккредиттеу орталығы» ЖШС (одан әрі – ҰАО) жиынтық талдау және ақпараттық қамтамасыз ету басқармасы сәйкес ақпаратты Мемлекеттік аккредиттелген субъектілер тізіліміне, ҰАО веб-сайтына енгізсін, сонымен қатар қабылданған шешім туралы жоғарыда көрсетілген аккредиттеу субъектілерін хабардар етсін.
3. Осы бұйрықтың орындалуын бақылау бас директордың орынбасары А.А. Мусинге жүктелсін.
4. Осы бұйрық қол қойылған күннен бастап күшіне енеді.